சினிமாவின் உச்ச நட்சத்திரமாக கொண்டாப்படும் இயக்குனர், நடிகர், நடிகை என சினிமாவை அடுத்த கட்டத்திற்கு எடுத்து செல்லும் கூட்டணியை கொண்டதுதான் இந்த தங்காலன் படை.
ஸ்டுடியோ கிறீன் ஞானவேல் ராஜா தயாரிப்பில், பா ரஞ்சித்தின் நீளம் புரெடக்ஷன்ஸ் இணைந்து வழங்கும் இந்த படத்தை பா ரஞ்சித் இயக்குகிறார். இப்படத்திற்கு ஜி.வி. பிரகாஷ் இசையமைக்கிறார்.
இதில் பா. ரஞ்சித்துடன் முதல் முறையாக கூட்டணி போடும் நடிகர் விக்ரம் முக்கிய கதாபாத்திரத்திலும், பார்வதி , மாளவிகா மோகனன் என்று பலரும் நடித்து வருகின்றனர்.
நடிகர் விக்ரம், பா. ரஞ்சித்தின் கூட்டணி எவ்வாறு இருக்கப்போகிறது என்ற ஆர்வம், எப்போது படம் திரைக்கு வரும் என்று ரசிகர்களின் எதிர்பார்ப்பை கிளறத்தான் செய்கிறது.
அடித்தட்டு, ஒடுக்கப்பட்ட மக்களின் ஒடிங்கிய குரலை தனது திரைப்படத்தின் மூலம் ஓங்கி ஒலிக்க செய்பவர் இயக்குனர் பா. ரஞ்சித் , பிறர் பேச தயங்கும் அரசியலை தயக்கமின்றி தனது வசனங்கள் மூலம் பிரதிபலிக்கக் கூடியவர்.
அவர் தற்போது இயக்கி வரும் தங்காலன் கதைக்களம் 1990- களில் நடக்கும் கதை. கேஜிஎஃப் தோன்றுவதற்கு முன்பு அந்த கேஜிஎஃப் நிலத்தில் வாழ்ந்த, தங்கத்தை தோண்டி எடுத்த மக்களைப் பற்றிய கதையாகும்.
சமீபத்தில் பா. ரஞ்சித் இந்த படம் குறித்து கூறுகையில் பழங்குடியின மக்களின் வாழ்வியல் மற்றும் கலாசாரத்தையொட்டி இந்த படம் உருவாக்கப்பட்டிருக்கிறது . அது திரையில் நிச்சயம் பிரதிபலிக்கும் என்று கூறியிருப்பார்.
இப்படத்தின் ஒத்திகையில் நடிகர் விக்ரமுக்கு ஏற்பட்ட விலா எலும்பு முறிவின் காரணமாக எதிர்பார்த்ததை விட தங்காலன் படப்பிடிப்பை நிறைவு செய்வதில் சற்று தாமதமாகியிருக்கிறது.
ஆஸ்கர் உள்ளிட்ட சர்வேதச விருதுகளை அள்ளிக் குவிக்கும் தரத்தில் தயாரிக்கப்படும் இப்படத்தில் தனது காதாபாத்திரத்தின் படப்பிடிப்பை நிறைவு செய்த நடிகை பார்வதி இன்ஸடாவில் உருக்கமாக பதிவிட்டிருக்கிறார்.
"காதல், பணம், புகழ் இதை தவிர எனக்கு உண்மையை தாருங்கள்" தங்காலன் படத்தில் என்னுடைய கதாபாத்திரத்திற்காக நான் சென்ற இடங்கள், நான் தேர்தெடுத்த விஷயங்கள், அனைத்தும் எனக்குள் நான் எழுப்பியிருந்த சுவர், முகத்திரைகளை சுக்குநூறாக உடைத்து கடைசியில் உண்மையை மட்டுமே எஞ்சவைத்தது, இப்படம் எனக்கு மிகவும் முக்கியமான திருப்பத்தை கொடுத்துள்ளது" என உருக்கமாக பதிவிட்டிருந்தார்.
தங்காலனின் இந்த கூட்டணி நிச்சயம் உலக சினிமாவை திரும்பி பார்க்கவைக்கும் என்று எதிர்ப்பார்போம்....
