தமிழும் சரஸ்வதியும் சீரியலில் புது வசுந்தராவாக களமிறங்கியிருக்கிறார் வி.ஜே.சங்கீதா. விஜய் டிவியில் ஒளிப்பரப்பாகும் தமிழும் சரஸ்வதியும் சீரியல் சின்னத்திரை ரசிகர்கள் மத்தியில் வரவேற்பைப் பெற்று வருகிறது.
இதில் டைட்டில் ரோலில் நடிப்பவர்களை விட வசுந்தரா கதாபாத்திரத்திற்கு ஃபேன்ஸ் அதிகம். சீரியலின் ப்ரோமோக்களில், ‘நாங்கள் இந்த சீரியலை பார்ப்பதற்குக் காரணமே வசு தான்’ என பலர் கமெண்டுகளில் தெரிவிப்பதை வழக்கமாக வைத்திருக்கிறார்கள். தமிழும் சரஸ்வதியும் சீரியலில் வசுவாக நடித்து வந்த தர்ஷ்னா ஸ்ரீபால் சமீபத்தில் அதிலிருந்து விலகினார்.
இதனால் சோகத்தில் ஆழ்ந்த ரசிகர்கள் தர்ஷ்னா மீண்டும் வசுவாக வர வேண்டும் என விஜய் டிவி-யிடம் கோரிக்கை வைத்து வந்தனர். இந்நிலையில் தமிழும் சரஸ்வதியும் சீரியலில் வசுவாக களமிறங்கியிருக்கிறார் வி.ஜே.சங்கீதா. அவருக்கு தர்ஷ்னா போல வரவேற்பு கிடைக்குமா என்று பொறுத்திருந்து பார்ப்போம்.
