பெங்களூர்: அண்ணல் அம்பேத்கரை இழிவுபடுத்திய மத்திய உள்துறை அமைச்சர் அமித்ஷாவுக்கு எதிராக கர்நாடகா மாஃநிலம் கலபுரகியில் முழு அடைப்புப் போராட்டம் நடைபெற்றது. இந்த முழு அடைப்புப் போராட்டத்தின் போது அமித்ஷாவின் கொடும்பாவிகள் எரிக்கப்பட்டன. கலபுரகியில் காலை முதல் மாலை ஹோட்டல்கள், கல்வி நிறுவனங்கள் மூடப்பட்டு பேருந்துகள் நிறுத்தப்பட்டதால் இயல்பு வாழ்க்கை முழுமையாக பாதிக்கப்பட்டன. மேலும் சாலைகளில் பல இடங்களில் டயர்கள் எரித்து வீசப்பட்டு போக்குவரத்து முழுமையாக தடை செய்யப்பட்டிருந்தன.
