ஆச்சரியம் வானில்.. மேகங்கள் மீது தென்பட்ட உருவம்.. யாரந்த 3 பேர் யார்? ஏலியன்களா? வீடியோவில் அதிசயம்

by ADMIN
January 05, 2025

கதிர் ஆனந்த் கல்லூரியில் 44 மணி நேரம் நடந்த அமலாக்கத்துறை சோதனை நிறைவு.. ஆபீசர்கள் கையில் ஃபைல்கள்!

January 05, 2025

வாஷிங்டன்: இணையத்தில் வீடியோ ஒன்று தற்போது டிரெண்டாகிகொண்டிருக்கிறது.. விமானத்தில் செல்லும்போது, யாரோ அந்த வீடியோவை எடுத்திருக்கிறார்கள். இதைப்பார்த்த நெட்டிசன்கள் ஆச்சரியத்துடனும், சந்தேகத்துடனும் கேள்விகளை எழுப்பி வருகிறார்கள். வேற்றுகிரக வாசிகள் குறித்த விஷயம் பல்லாண்டு காலங்களாகவே புதிராக இருந்து வருகிறது. அதாவது மனிதர்களை போலவே, மற்ற கிரகத்திலும் கண்டிப்பாக உயிர்கள் வாழ்ந்து கொண்டிருப்பதாக கூறுகிறார்கள். அதற்கேற்றார்போல், வேற்றுகிரக வாசிகளை வைத்து ஏராளமான ஆங்கில படங்களும் வெளியாகி ஆர்வத்தை கிளப்பி வருகின்றன.. இதற்கு நடுவில், வேற்று கிரகவாசிகளை கண்ணால் கண்டதாக கூறி சிலர் அவ்வப்போது பரபரப்பையும் கிளப்பிவிட்டு வருகிறார்கள். நாசா அறிக்கை: எனவேதான், உண்மையிலேயே வேற்று கிரகவாசிகள் இருக்கிறார்களா? என்பதை அமெரிக்க விண்வெளி ஆராய்ச்சி நிறுவனமான நாசாவும் தொடர்ந்து ஆய்வுகளை மேற்கொண்டு வருகிறது. சமீபத்தில்கூட, ஏலியன்கள் எனப்படும் பறக்கும் தட்டுக்கள் குறித்த ஆய்வு பற்றிய அறிக்கையை நாசா வெளியிட்டிருந்தது. ஏலியன்கள் பற்றிய ஆய்வு செய்து, நாசாவின் சுதந்திரமான குழு இந்த மொத்தம் 33 பக்க அறிக்கைகளை வெளியிட்டிருந்தது. அதன்படி, விவரிக்க முடியாத சூழல்களுக்கு பின்னால் ஏலியன்கள் எனப்படும் வேற்று கிரகவாசிகள் உள்ளார்களா? என்பதை உறுதி செய்வதற்கு எந்த ஆதாரமும் இல்லை என்பது கண்டறியப்பட்டுள்ளதாம். அதேசமயம் அதற்கான சாத்தியக்கூறுகளையும் நிராகரித்து விட முடியாது என்றும் நாசா கூறியிருந்தது. எனவே, நாசாவின் ஆய்வுகள் இன்னமும் தொடர்ந்துகொண்டுதான் இருக்கின்றன. பரபர வீடியோ: இப்படிப்பட்ட சூழலில், மேகங்களில் மனிதர்கள் போன்ற சில உருவங்கள் நிற்கும் வீடியோவும், போட்டோவும் வெளியாகி, இணையத்தில் பரபரப்பையும், ஆர்வத்தையும் ஏற்படுத்தியிருக்கிறது. அந்த வீடியோவில், மேகங்கள் நிறைந்த பரப்பில், யாரோ 3 பேர் நிற்பதுபோல நிழல் உருவங்கள் தென்படுகின்றன.. அந்த மேகங்களில் நிற்பவர்கள் ஏலியன்கள் என்று கூறப்படுகிறது. மேகங்களில் ஒரு குறிப்பிட்ட கிலோமீட்டர் தூரத்திற்கு அந்த 3 பேரும் பேர் நின்றுகொண்டிருக்கிறார்கள். விமானத்தில் செல்லும்போது இந்த வீடியோ எடுக்கப்பட்டதாக தெரிகிறது. யார் அவர்கள்: அவர்களை ஏலியன்கள் என்று சொல்லப்படும்நிலையில் அதற்கான எந்த ஒரு சான்றுகளும் இல்லை. அதேசமயம், அவர்கள் ஏலியன்கள் இல்லை என்றும் உறுதியாக சொல்வதற்கில்லை.. அப்படியானால் அந்த 3 பேர் யார் என்று இணையவாசிகள் சந்தேகம் கிளப்பி வருகிறார்கள். இந்த வீடியோதான் தற்போது இணையத்தில் டிரெண்டாகி வருகிறது. Note: The content shared here is sourced from publicly available internet platforms, and we do not claim ownership. We are not responsible for any inaccurate or fake information.