ஆபாச சைக்கோ..பாலியல் வக்கிரன் ஞானசேகரன்.. செல்போனில் அதிர வைக்கும் வீடியோ!

by ADMIN
January 06, 2025

சட்டசபையை ஆளுநர் புறக்கணிக்கவில்லை! திட்டமிட்டு வெளியேற்றப்பட்டிருக்கிறார்! எடப்பாடி பழனிசாமி நறுக்

January 06, 2025

சென்னை: அண்ணா பல்கலைக்கழக மாணவி பாலியல் வன்கொடுமை செய்யப்பட்ட சம்பவம் தொடர்பாக ஞானசேகரனிடம் சிறப்பு புலனாய்வு குழுவினர் விசாரணை நடத்த உள்ளனர். முன்னதாக ஞானசேகரன் வீட்டில் மேற்கொண்ட ஆய்வில் லேப்டாப் பறிமுதல் செய்யப்பட்டுள்ளது. அவரது செல்போன் மற்றும் லேப்டாப்பில் ஆபாச வீடியோக்கள் அதிகமாக இருப்பதாகவும், ஆபாச படங்களை பார்த்து ரசித்து பெண்களை பாலியல் வன்கொடுமை செய்யும் பழக்கம் கொண்டவர் ஞானசேகரன் என்ற அதிர்ச்சி தரும் தகவல் வெளியாகி உள்ளது. சென்னை அண்ணா பல்கலைக்கழகத்தில் விடுதியில் தங்கி படித்து வந்த கன்னியாகுமரியை சேர்ந்த மாணவி ஒருவர் ஒரு காதலனுடன் பேசிக் கொண்டிருந்தபோது மிரட்டி பாலியல் வன்கொடுமை செய்யப்பட்ட சம்பவம் தமிழகம் முழுவதும் பலத்த அதிர்வலைகளை ஏற்படுத்தியது. இந்த சம்பவம் தொடர்பாக வழக்கு பதிவு செய்த கோட்டூர்புரம் போலீசார் பிரியாணி கடை நடத்தி வந்த ஞானசேகரன் என்பவரை கைது செய்துள்ளனர். இதற்கிடையே மாணவியின் பெயர் முகவரி உள்ளிட்ட தகவல்கள் அடங்கிய முதல் தகவல் அறிக்கை வெளியானது பலத்த அதிக வலைகளை ஏற்படுத்தியது. மாணவி பாலியல் வன்கொடுமை செய்யப்பட்ட சம்பவம் தொடர்பாக அதிமுக, பாமக, நாம் தமிழர் உள்ளிட்ட கட்சிகள் போராட்டத்தில் குதிதுள்ளன. இந்த நிலையில் இந்த வழக்கை தாமாக முன்வந்து விசாரணைக்கு எடுத்துக் கொண்ட சென்னை உயர்நீதிமன்றம் தமிழக அரசுக்கு கண்டனம் தெரிவித்ததோடு மூன்று பெண் அதிகாரிகள் அடங்கிய சிறப்பு புலனாய்வுக் குழுவை அமைத்து உத்தரவிட்டது. இதற்கிடையே ஞானசேகரன் இடம் போலீசார் விசாரணை மேற்கொண்டு வரும் நிலையில் அவர் மீது குண்டர் சட்டம் பாய்ந்துள்ளது. இந்த நிலையில் அண்ணா நகர் துணை கமிஷனர் சினேகா பிரியா, ஆவடி துணை கமிஷனர் ஜெய மன் ஜமால், சேலம் துணை கமிஷனர் பிருந்தா ஆகியோர் இந்த வழக்கில் விசாரணையை தீவிரப்படுத்தி உள்ளனர். நேற்று அண்ணா பல்கலைக்கழகத்தில் மாணவியிடம் நடத்தப்பட்ட விசாரணையில் யார் அந்த சார் என்பது குறித்து மாணவி பேசியதாகவும், பல்கலைக்கழக அதிகாரிகளிடம் விசாரணை நடத்தியதாகவும் கூறப்பட்டது. இதற்கிடையே கோட்டூர்புரத்தில் ஞானசேகரன் வீட்டிலும் அதிகாரிகள் தீவிர ஆய்வு மேற்கொண்டனர். அதில் பல்வேறு ஆவணங்கள், லேப்டாப், கத்தி உள்ளிட்டவை பறிமுதல் செய்யப்பட்டதாக கூறப்படுகிறது. குறிப்பாக ஞானசேகரன் செல்போனில் நூற்றுக்கணக்கான ஆபாச வீடியோக்கள் இருந்ததாகவும், லேப்டாப்பிலும் ஏராளமான ஆபாச வீடியோக்கள் இருந்ததால் அது பறிமுதல் செய்யப்பட்டதாக தகவல் வெளியாகி இருக்கிறது. தொடர்ந்து லேப்டாப்பை ஆய்வு செய்ய திட்டமிட்டுள்ள அதிகாரிகள் ஞானசேகரன் லேப்டாப்பின் மூலம் யார் யாருடன் தொடர்பில் இருந்தார்? யாருக்கெல்லாம் ஆபாச வீடியோக்களை அனுப்பினார்? என்பது குறித்து விசாரணை நடத்த இருக்கின்றனர். மேலும் பல குற்ற சம்பவங்களில் ஈடுபட்ட ஞானசேகரன் தற்போது புகார் அளித்த மாணவி மட்டுமல்லாமல் மேலும் பல மாணவிகளை பாலியல் வன்கொடுமை செய்திருக்கலாம் எனவும், ஆபாச படங்களை பார்த்து ரசிப்பதோடு பெண்களை பாலியல் வன்கொடுமை செய்ததை வீடியோவாக எடுத்து ரசிக்கும் கொடூர மனப்பான்மை கொண்டவர் என கூறப்படுகிறது. ஞானசேகரனின் லேப்டாப்பில், மாணவிகள், குடும்ப பெண்களின் வீடியோக்கள் இருக்கிறதா? என்பது குறித்தும் விசாரணை தீவிர படுத்தப்பட்டு வருகிறது. ஏற்கனவே ஸ்டான்லி அரசு மருத்துவமனையில் எலும்பு முறிவு காரணமாக சிகிச்சை பெற்று வரும் ஞானசேகரன் சிறப்பு புலனாய்வு குழுவினர் விசாரணை நடத்தி வரும் நிலையில், இது தொடர்பாக கேள்வி எழுப்பியதாகவும் கூறப்படுகிறது. மேலும் ஞானசேகர் இடம் தொடர்பில் இருந்த ஒரு நபரிடம் விசாரணை நடத்தப்பட்டு வருவதாகவும் தகவல் வெளியாகி உள்ளது. Note: The content shared here is sourced from publicly available internet platforms, and we do not claim ownership. We are not responsible for any inaccurate or fake information.