சென்னையில் 40.16 லட்சம் வாக்காளர்கள்! எந்த தொகுதியில் அதிக வாக்காளர்கள்.. எங்கு மிக குறைவு தெரியுமா?

by ADMIN
January 06, 2025

என் ஆதரவு திமுகவுக்குத்தான்..! திடீரென்று மனம் மாறிய கஸ்தூரி..? என்ன நடக்கிறது?

January 06, 2025

சென்னை: 16 சட்டமன்ற தொகுதிகளை உள்ளடக்கிய சென்னை மாவட்டத்தில் மொத்தமாக 40,15,878 வாக்காளர்கள் உள்ளனர். சென்னை மாவட்டத்தில் ஆண் வாக்காளர்கள் 19,70,279 பேர் உள்ள நிலையில் பெண் வாக்காளர்கள் 20,44,323 பேர் உள்ளனர். தலைநகர் சென்னை மட்டுமல்லாது ஒட்டுமொத்தமாகவும் தமிழ்நாட்டில் பெண் வாக்காளர்களே அதிகம். 16 சட்டமன்ற தொகுதிகளை உள்ளடக்கிய சென்னை மாவட்டத்தில் திருத்தப்பட்ட இறுதி வாக்காளர் பட்டியல் இன்று வெளியிடப்பட்டுள்ளது. ஒவ்வொரு மாவட்டத்திற்கான பட்டியலை அந்தந்த ஆட்சியர்கள் வெளியிட்டுள்ளனனர். இந்திய தேர்தல் ஆணையத்தின் உத்தரவின்படி, தமிழ்நாடு முழுவதும் வாக்காளர் பட்டியலில் பெயர் சேர்க்க, நீக்க, திருத்தம் செய்ய, முகவரி மாற்ற, பொதுமக்கள் விண்ணப்பம் அளிக்க கடந்த ஆண்டு நவம்பர் 16, 17 மற்றும் 23, 24 ஆகிய 4 நாட்கள் சிறப்பு முகாம்கள் நடைபெற்றன. இவ்வாறு பெறப்பட்ட விண்ணப்பங்களை பரிசீலித்து, தகுதியான நபர்களின் பெயர்களை வாக்காளர் பட்டியலில் சேர்த்து, இறந்தவர்கள் பெயரை நீக்கி, இறுதி வாக்காளர் பட்டியல் தயார் செய்யப்பட்டுள்ளது. இந்நிலையில் இன்று வாக்காளர்கள் பட்டியில் வெளியிடப்பட்டது. தமிழகத்தில் 6.36 கோடி வாக்காளர்கள் உள்ளனர். ஆண் வாக்காளர்கள் 3.11 கோடி, பெண் வாக்காளர் 3.24 கோடி, மூன்றாம் பாலினத்தவர்கள்- 9,120 பேர் உள்ளனர். ஆண் வாக்காளர்களை விட பெண் வாக்காளர்கள் அதிகம் உள்ளனர். 16 சட்டமன்ற தொகுதிகளை உள்ளடக்கிய சென்னை மாவட்டத்தில் 40,15,878 வாக்காளர்கள் உள்ளனர். சென்னை மாவட்டத்தில் ஆண் வாக்காளர்கள் 19,70279 பேர் உள்ள நிலையில் பெண் வாக்காளர்கள் 20,44,323 பேர் உள்ளனர். சென்னை மாவட்டத்தில் 3 ஆம் பாலின வாக்காளர்கள் 1276 பேர் உள்ளனர். சென்னை மாவட்டத்தில் அதிகபட்சமாக வேளச்சேரி தொகுதியில் 3,16,642 வாக்காளர்கள் உள்ளனர். சென்னை மாவட்டத்தில் துறைமுகம் தொகுதியில் தான் மிகக் குறைவான வாக்காளர்கள் இடம்பெற்றுள்ளனர். துறைமுகம் தொகுதியில் மொத்தமாக 1,78,980 வாக்காளர்கள் உள்ளனர். டாக்டர் ராதாகிருஷ்ணன் நகர் - 2,50,930வாக்காளர்கள் பெரம்பூர் - 2,95,860 வாக்காளர்கள் வேளச்சேரி - 3,16,642 வாக்காளர்கள் துறைமுகம் - 1,78,980 வாக்காளர்கள் வில்லிவாக்கம் - 2,44,528 வாக்காளர்கள் திரு.வி.க.நகர் - 2,22,727 வாக்காளர்கள் எழும்பூர் - 1,95, 151 வாக்காளர்கள் ராயபுரம் - 1,97,035 வாக்காளர்கள் சேப்பாக்கம் திருவல்லிக்கேணி - 2,39,840 வாக்காளர்கள் ஆயிரம் விளக்கு - 2,38,475 வாக்காளர்கள் அண்ணா நகர் - 2,80,490 வாக்காளர்கள் விருகம்பாக்கம் - 2,87,417 வாக்காளர்கள் சைதாப்பேட்டை - 2,73,623 வாக்காளர்கள் தியாகராயர் நகர் - 2,35,616 வாக்காளர்கள் மயிலாப்பூர் - 2,69,627 வாக்காளர்கள் Note: The content shared here is sourced from publicly available internet platforms, and we do not claim ownership. We are not responsible for any inaccurate or fake information.